Кейинги ҳафта машҳур “Доктор Хаус” сериали поёнига етади. Сериалда бош қаҳрамон ролини ижро этган актёр Хью Лори жаҳон киноюлдузига айланди. Ҳозирда актёрнинг суратга тушадиган янги лойиҳалари ҳақидаги маълумотлар маълум бўлди.

Хью Лори актёрлик кареьрасини машҳур комик ва адабиётшунос Стивен Фрай билан бошлаган эди. Уларнинг биргаликда ишлаган “Қора илон”, “Фрай ва Лорининг шоуси” ва “Живис ва Вустер” сериаллари мавжуд. Маълум бўлдики, Фрай Хью Лори билан биргаликда навбатдаги лойиҳаси устида ишламоқда. Лойиҳанинг номи ва мазмуни ҳозирча сир сақланмоқда.

1975 йил экранларга чиқарилган “Буратинонинг саргузаштлари” болалар фильмидаги “олтин калит” Россиянинг Санкт-Петербург шаҳрида номалум шахслар саҳнадан ўғирлаб кетган.

“Олтин калит” бир неча йиллардан буён режиссёрнинг хонадонида эсдалик сифатида сақланган.

Ўғрилик 5 – май куни кечқурун Василеостровский номидаги ёшлар уйида содир этилган. Ўша куни ёшлар уйида 2010 йилда вафот этган машҳур режиссёр Леонид Нечаевнинг хотира кечаси ўтказилаётган эди. Режиссёрнинг беваси Надежда Нечаева кечанинг жонли тарзда ўтиши учун калитни олиб келган. Калитнинг узунлиги 50 см бўлиб, у латундан ишланган бўлган.

Дунёнинг энг машҳур режиссёри Квентин Тарантино “Озод этилган Жанго” номли янги фильми устида ишламоқда. Бу лойиҳани актёрлар бирин-кетин ташлаб кетмоқда. Жумладан, икки таниқли актёр – Саша Барон Коен ва Курт Расселлар лойиҳани аллақачон ташлаб кетишга улгурган Кевин Костнер изидан боришди.

Сашанинг иш вақти тиғизлиги сабабли “Жанго” фильмига вақт ажрата олмаган. Курт Расселга эса фильм сюжети ёқмаган ва яна бошқа бир неча сабабларни кўрсатиб ўтган.

Аввал маълум бўлишича, фильм шу йилнинг декабр ойида катта экранларга чиқиши керак эди, лекин фильмни намойиш этиш ҳақидаги графикка маълум ўзгартириш киритилиши масаласи кўриб чиқилмоқда.

«Темир одам 3» кинокомикси жамоаси таркибида ўзгариш юз берди. Жессика Честейн ўрнига «Вики Кристина Барселона» ва «Ўғрилар шаҳри» фильмлари орқали кўпчилик томошабинларга танилган инглиз актрисаси Ребекка Холл ижро этиши кутилмоқда. Франшизни, яъни миллиардер ва филантроп Тони Старк ҳақидаги учинчи қисмни сурат олиш ишлари шу ойдан бошланади.

Ребекка Холл яратадиган қаҳрамон нановирусни яратишда иштирок қилади. У яратган нановирус террористлар қўлига тушиб қолади.

Актриса «Темир одам 3» актёрлари гуруҳи ёққани, шунинг учун келажакда Marvel киностудияси ижодкорлари яратадиган лойиҳаларнинг бирида суратга тушиши истаги борлигини маълум қилган.

Аввал маълум қилганимиздек, режиссёр Ридли Скоттнинг «Маслаҳатчи» фильмида бош қаҳрамон ролини актриса Анжелина Жоли ижро этиши назарда тутилган эди, лекин унинг ўрнига актриса Кемерон Диаз танланди.

Фильмларда табиатан хушчақчақ малласоч қиз образларини яратадиган Кемерон Диаз бу лойиҳада қатъиятли қизга айланади.

Триллерда яна бир муҳим аёл ролини Пенелопа Крус ижро этади.

Эслатиб ўтамиз, «Маслаҳатчи» фильм-триллери муаллифи Кормак МакКартидир. У «Бу ерда чолларга жой йўқ», «Отлар, отлар» ва «Йўл» каби фильмлари муаллифидир.

Эҳтимол, Анжелина Жоли «Маслаҳатчи» фильми учун вақт ажрата олмаган. Чунки у Disney студиясининг «Малефисент» фильм-эртагида роль ўйнаш билан банд.

Голлевуд гўзали Энн Хетеуей “Хўрланганлар” фильми учун сочини қиртишлатди. Бундан ташқари фильм режиссёри Том Хупер қизни парҳезга қатъий амал қилишни ҳам топширди.

Энн Хетеуей фильмда ўлим ёқасига келиб қолган фоҳиша ролини ижро этади. Шунинг учун актриса экрандаги образи учун тинмай ҳаракат қилмоқда.

Шунингдек, фильмда Хью Жекман, Рассел Кроу, Хелена Бонем Картер ва Аманда Сейфрид каби актёрлар иштироқ этишади.

Роберт Паттинсон суратга тушадиган фильмлари рўйхатига яна бир янги кинолойиҳани қўшиб қўйди. Янги кинолойиҳа “Миссия: Қора рўйхат” деб номланади. Фильм режиссёри Жан-Стефан Совер.

Фильм триллер жанрида бўлиб, Ироқнинг собиқ етакчиси Саддам Ҳусайнни қидириш ҳақида ҳикоя қилинади. Фильм қўлга олиш гуруҳига раҳбарлик қилган Медокс тилидан ҳикоя қилинади.

Роберт Паттинсонни яқин орада Девид Кроненбергнинг “Космополис” фильмида кўришингиз мумкин. Фильм премьераси май ойида бўлиб ўтадиган халқаро Канн кинофестивалига мўлжалланган.

Сизларни кириб келаётган 9 май Хотира ва қадрлаш куни – улуғ байрам билан қутлаймиз. Биз ёш авлод машаққатли ва шонли йўлларни босиб ўтган қаҳрамон боболаримиздан фахрланамиз. Ўз жонини қурбон қилиб, шарафли ва қутлуғ кунларни ҳадя қилган жасур юртдошларимиз қаҳрамонлигини унутмаймиз.

Юртимиз тинч, осмонимиз мусаффо бўлсин. Барчангизга байрам муборак!

«Базелевс» компанияси Майкл Митникнинг «Токлар жанги» (The Current War) сценариясини экранлаштириш ҳуқуқини қўлга киритди. Тахминларга қараганда, Тимур Бекмамбетов фильм режиссёри бўлиши мумкин. Фильмдаги бош қаҳрамон ролини ижро этишни актёр Саша Барон Коэн ўз олдига мақсад қилиб қўйган.

Митникнинг мазкур дебют фильми реал ҳаётий воқеалар асосига қурилган. Фильм Томас Эдисон ва Жорж Вестингаузларнинг доимий ва ўзгарувчан токдан фойдаланиш йўлида олиб борган курашлари, уларнинг бир-бирига қарши туриши ҳақида ҳикоя қилади. «Жанг» XIX асрнинг 80-йилларида бошланиб, 2007 йилда Нью-Йорк шаҳрининг доимий токдан ўзгарувчан токка ўтиши муносабати билан якун топади.

Инсайдерларнинг маълум қилишича, Эдисон образини Саша Барон Коэн ижро этмоқчи. Айтилганидек, ҳозирча лойиҳа режиссёри маълум эмас, кастинг ҳам ўтказилмаган.

Болалар сериаллари орқали мухлислар орттирган ёш актриса ва қўшиқчи Селена Гомес тўлиқ метражли бадиий фильмда суратга тушади. Фильм “Баҳорги таътил” деб номланиб, у 2013 йил катта экранларга чиқади. Акриса ёш мухлисларига ушбу образда кўрнишни хоҳламаяпти. Чунки Селена фильмда ёшларга ўрнак бўла олмайдиган қиз ролини ижро этади.

Селенанинг 19 ёшли қаҳрамони уятчанлигига қарамай, сигарет чекади, спиртли ичимликлар истеъмол қилади, бегона йигитлар билан ишқий муносабатларда бўлади.

-Менинг олдимга ёш мухлисларим келганда, илтимос, фильмни кўрманглар, фақат сериалларимни томоша қилинглар, дейман, - дейди актриса. - Мен уларни огоҳлантиришим керак. Шундай образлар бўладики, мен уларни кино талабидан келиб чиқиб ижро қиламан. Актриса сўзини давом эттириб, Менинг ўз тенгқурларимдан иборат мухлисларим жуда кўп, агар улар бу фильмни кўрсалар, ҳаётий деб ўйлашлари мумкин, - дейди.

“Узуклар ҳукмдори” фильми орқали бутун дунёга танилган актёр Элайжа Вуд “Рояль” (Grand Piano) фильмида бош қаҳрамон ролни қўлга киритди. Триллер сценаристи Демьен Шазелл, унга испаниялик Эудженио Мира режиссёрлик қилади. Муаллифлар фильм номини “Тезлик”ка ҳам ўзгартиришлари мукинлиги ҳақида гап-сўзлар юрибди.

Фильмда ўз санъатини саҳнада намойиш қилишдан қўрққан иқтидорли пианиночи ҳақида ҳикоя қилинади. У беш йил давомида саҳнага чиқмайди. Бир неча йиллик танаффусдан сўнг у яна томошабинлар олдига – саҳнага қайтмоқчи бўлади, лекин музикант турли қаршиликларга, таҳдидларга учрайди. Натижада у ўзининг энг яхши концерт номерларини ўзини ва умр йўлдошини ўлимдан сақлаб қолиш учун беришга мажбул бўлади.

Бондиана юлдузи Пирс Броснан “Тўнтариш” триллери актёрлари гуруҳига қўшилди. Фильмда бош ролни Оуен Уилсон ўйнайди. Оуен анчадан бери мазкур жанрда роль ижро қилмаган эди. Crime Scene Pictures компанияси томонидан суратга олинадиган фильмни “Шайтон” ва “Карантин” фильмлари режиссёри Жон Эрик Даудл суратга олади.

Режиссёр фильм сценарийсини укаси Дрю Даудл билан бирга ёзган. Фильм воқеалари марказида америкалик оила туради. Бу оила тақдир тақазоси билан Жанубий Шарқий Осиё мамлакатларининг бирига бориб қолади ва бу ерда шафқатсиз тўнтаришга аралашиб қолади. Тўнтаришда қўзғолончилар улар яшайдиган шаҳарга ҳужум қилишади.

Манбаларда маълум қилинишича, фильмни суратга олиш ишлари 2012 йилининг октябрь ойида бошланиши режалаштирилган.

Машҳур “Доктор Хаус” сериали якунига етгани сари суратга тушиш майдончасида кимлар қолиши аниқ бўлиб бормоқда. Маълум бўлишича, Женнифер Моррисон (Эллисон Кемерон) сериалнинг охирги серияларида иштирок этишга рози бўлган.

Женнифер сериалнинг олтинчи фаслидаёқ кинолойиҳани тарк этган эди. Айни вақтда актриса тобора машҳурликка эришаётган “Бир кун эртакда” сериалининг бош қаҳрамони ролида суратга тушмоқда.

Шунингдек, сериалнинг охирги серияларида Оливия Уайлд, Эмбер Темблин ва Кел Пенн каби актёрларнинг чиқиши кутилмоқда.

“Доктор Хаус” нинг охирги “Барча ҳалок бўлади” деб номланган серияси 21 май куни экранларга чиқарилади.

Англиялик режиссёр Руперт Сандерснинг “Оппоқой ва овчи” деб номланган дебют фильмининг премьераси – жаҳоннинг катта экранларига чиқиши мазкур йилнинг 1 июнь кунига мўлжалланган. Студия раҳбарияти кинонинг муваффақиятига (кассабоп бўлишига) ишонмоқда. Шунчалик ишонмоқдаки, ҳатто “Ўргимчак одам” фильми сценаристи Девид Кепп билан кинонинг давомини қандай олиш устида келишув ишларини олиб бормоқда.

Deadline сайти инсайдерларининг маълум қилишича, режиссёр Сандерснинг имкониятларидан фойдаланиш мақсадида Universal киностудияси “Оппоқой ва овчи” фильмининг давомини суратга олиш ишларини максимал даражада тезлаштирмоқчи. Чунки режиссёр бошқа лойиҳаларга шўнғиб кетиши мумкин.

Universal Pictures студиясининг президенти Рон Майер мазкур фильмда Шарлиз Терон, Кристен Стюарт ва Крис Хемсвортларнинг иштирок этиши ҳақида икки ҳафта олдин маълумот берган эди.

“Зулмат остонасидаги муҳаббат” фильмидаги мафтункор вампир образи соҳиби Роберт Паттинсон янги кинода оч ўйин иштирокчиси сифатида намоён бўлишни маъқул топди.

Актёр Роберт Паттинсон «Оч ўйинлар» блокбастерининг навбатдаги қисмида Финик Одейр образини ижро этади. Одейр тўртинчи ўйин ғолиби.

Шунингдек, манбаларда маълум қилинишича, бошқа бир вампир - “Зулмат остонасидаги муҳаббат” фильмидаги Питер Фачинелли ҳам янги оммабоп франшизда роль ўйнамоқчи. Фильмда унга Бити ролини ижро этиш таклиф қилинган. Шунингдек, фильмда машҳур кино усталари Мила Кунис ва Бетти Уайт ҳам роль ўйнашади. Фильмнинг суратга олиш ишлари яқин орада бошланади. Фильм режиссёри Френсис Лоуренс.